Overblog
Edit post Follow this blog Administration + Create my blog
anramyblog.over-blog.com

Pyare Papaji

Aaj bhut dino ke baad blog likh raha hoon, kahaniya to bahut sari hoti hai par likhne ka man nahi karta kafi samaye pahale hi likhna kam ho gaya tha ya yun kaho ki band hi ho gaya tha. Saal 2020 bahut ajeeb nikala, saal ke shuruaat me hi lockdown lag gaya wajah thi CORONA bimari. Is bimari ne acche accho ki haalat past kar ke rakh di. Is bimari ke bare me aaj sab jante hai aur isi ka nateeja hai ki jo log aaj bhi mask aur senetizer use kar rahe hai ye soch ke ki kahin wapas na badne lage. Saal 2020 me sab kuch normal hi chal raha tha ki lockdown lag gaya, lockdown bhi jaise jaise kam hota hua jab sab kuch normal hone laga to jitney case shuru me nahi aaye wo baad me aana shuru hue, ab baat karta hu mere ghar ki corona to tha hi almost saare tyohaar acche se mana liye the aur phir aata hai December 2020.

          January se November tak sab normal tha aur mere man me tha ki bas ye saal panuti nikal jaye phir to vaccine bhi aane wali hai bas yahi ek mahina hai jo bacha hai ye gaya aur sab thik ho jayega apne desh me. Par mujhe kya pata tha ki ye last month hi pure saal ka aaina dikha jayega. Hua yun ki papa ki tabiyat kharab hona shuru hui normally papa ki tabiyat to waise bhi tik nahi rahati thi kyuniki unki age hi thi jisme logo ko bimari pakad leti hain jaise high blood pressure aur sugar. 6-7 December tak to sab thik hi tha aur phir aata hai 8 December jaha papa ke hospital me test hue aur unko covid positive bata diya gaya. Papa ko hospital me admit karwaya aur phir ghar aaya ye sochkar ki bas 5-6 dino ki baat hai papa recover kar lenege par aaisa hua nahi infection badta gaya aur 11 December 2020 ki raat thik 1;10am par papa is duniya se chale gaye. Kuch samaj hi nahi aa raha tha ki kya se kya ho gaya sab kuch aaisa lag raha tha ki ek sapna hai aur abhi koi aakar utha dega par sab sach tha.

          Papa to chale gaye par apne sath bhut saari responsibilities mujhe de gaye. Covid ke karan hamare yaha sirf mere ghar ke log hi aaye aur bahar aas- pados ke koi nahi aaye aur aana to dur mujhe dekhte to ya to bhaag jaate ya phir mask laga lete. Wo log bhi thik hi kar rahe the bhai beemari hi aaisi hai koi kya kare. Par jo koi bhi milne aya usne papa ki khoob tareef ki unki kahin kisi se koi burai nahi ki. Hum jaha bhi jate jis office me wo papa ka sun kar dang rah jata aur unki tareef hi karta. Wo kahate hai na ki ‘’agar insaan bura  hoto uski burai uske marne ke baad khatam ho jati hai, aur insaan accha hoto uski acchai uske jaane ke baad bhi zinda rahati hai’’. Papa ne mujhe hamesha baccho ki tarah treat kiya unki nazaro me mein chota tha ‘bittu’ hi raha. Wo mujhe koi kaam nahi karne dete jaha bhi jana hoto wo bas kah dete ki ‘’mujhe batao mein jaunga tum nahi’’.  Papa ne kabhi bhi apne swarth ke liye jhoot bolna nahi shikhaya wo bas yahi kahate the ki sach ke sath rahoge to mujhe tum apne sath khada paoge agar jhoot ka sath diya to me tumhe sabse pahale saza mein hi dunga.

          Kai baar hua bhi hai aaisa ki mene ya didi logo ne koi baat kahi jaha hamari koi galti nahi hai waha papa hamesha hamri dhal banker khde rahe. Is baar ki baat yaad aati hai ki mere 10th board exam aane wale the to hamare class teacher ne kaha ki ab jab exam preparation ki leave mil rahi hai to tumlog jo bhi ghar me padne ka time schedule banaoge use mujhe ek papar me likh kar dena hamare yaha se home inspection hoga agar us time jo us papar me likha hai activity karte paaye gaye to thik nahi to punishment milega. Thnad ka time the mene likh kar diya ki 5 baje uthkar pdata hu bas kya kuch dino me mere ghar me bhi inspection hua, ghar par subah 5 baje sir aaye door bell bajai papa bahar nikale sir ne kaha ‘good morning sir’ aur pucha ki ‘anshul uth gaya kya’? Papa ko pata tha ki ladka laatsaab hai ye na utha hoga, par phir bhi unhone kah diya ki ‘haan uth gaya hai’ aur bas kya sir thik hai kah kar chal diye. Rathore saab ne kaha tha to sir ko to manna hi tha !!!

Mummy mere pass daud kar aai aur boli ki ‘uth tere sir aaye hai niche’ maine socha mazak chal raha hai phir papa ki awaz aai mein utha aur dekha door par to koi nahi tha. Phir mummy ne bataya ki tere sir aaye the. Phir papa ne class ghar par hi laga di aur kaha ‘’ maine zindagi me kabhi jhoot nahi bola tumhari wajah se aaj subah brahmmuhurat me mujhe jhoot bolna pada’’ papa bhut gusse me the mein  dar gaya aur dusre din se 5 baje bina alarm ke hi need khul gayi. School ka pahala din bhi mujhe yaad hai papa mujhe bullet par drop karke tiffin lene chale gaye ki mein tiffin leke aata hu  tum pado bas kya jab papa tiffin dene aaye to me gadi me baith gaya ki mujhe to ghar jana hai madam ne kaha aaj jaane dijye kal se aa jayega. Agle din jab mummy ne school jaane ke liye ready kiya to maine bhi rona shuru kar diya bas kya papa ne diya ghuma ke unke hath ki teeno anguthiyaan mere gaal pe sham tak chapi rahi.

Papa bhut hi discipline wale rahe hai aur ho bhi kyun ka mere bade papa, papa ko maar maar kar suba 4 baje utha diya karte the unse daud lagwate the aur unko neem ki pattiya bhi khilate the isi waha se papa hamesha fit rahe hai aur dimag bhi bilkul calculator ki tarah tez tha. Log kahate the ki ‘’mein papa se darta tha is liye recpect karta tha jabki mein recpect karta tha isilye darta tha’’.

Bachpan me mujhe ‘Shakkar ke Parate’ kahane ka bhut sauk tha papa mana karte the but me sunta hi nahi tha aur badi baat ye thi ki mummy mujhe apne hath se kahana khilati thi so dant double ho jati thi ek din papa ne dekha ki ye nahi sun raha hai mithe paratho se mujhe problem hona shuru ho gayai thi bas kya class laga di dusre din se apan acche bacche ban gaye. Naya DVD Player liya tha tab maine DJ songs zor zor se play karna shuru kar diye the bas jaise hi papa bahar jaye apne yaha boom boom music, ek din gaane play shuru hi kiye the ki papa keys lene gahr aa gaye papa ne dekh ki purane gaano ke remix chal rahe hai bas phir kya bole ki ‘’Aage se mere samne ye chalaya to samaj lena tum sab fek dunga’’. Us din se me itna dar agya ki hamare yaha music channels bhi chalana band ho gaya.

Papa kisi baat ki kabhi koi tension nahi lete the wo ghar par bhi mujh se jayada salah nahi lete the. Kahate hai na ki ek time ke baad pita-putra dost ho jate hai par hamare bech aaisa kuch nahi hua me koi bhi baat kahata to ya to use unsuna kar dete ya phir kahate ‘’tum dimag kharab na karo jao yahan se’’. Baar baar undekhi ke karan me ne bolna hi chhod diya ye soch kar ki bade hai mujh se to jyda jante hai. kabhi koi baat hoti to ghar ka mahool na kharab hoto mummy bhi kahati ki ‘chup raho’ so mein bhi chup ho jata. Papa ne kabhi bhi samne rahakar meri tareef nahi ki par haan wo kahin jaate to mere example dete. Shayad conversation na hone karan papa kabhi apni problem mujh se share nahi karte. Samne se kabhi nahi jatate ki mujhe tumhari bhut fikr hai wo baad me mummy batati ki tum jab ghar aane me late hote ho to har 5min me puchte ‘kab aayega kab aayega bittu’, Mein kahin bahar jata to unki tabiyat kharab ho jati so mujhe wapas aana hi padta. Papa apni tabiyat ka khayal kabhi nahi rakhte jab jisne phone kiya chahe jitney beemar hi kyun na ho unke muh se ek hi shabad nikalta ‘’firstclass hoon’’. Jab jisne kaha chahe subha ho ya aadhi raat kahin bhi chalne ko taiyaar ho jate jab unko hum log mana karte to kahate ‘’tumlogo ki is tokne ki aadat ke karan hi mein beemar padta hu kya karu retire hu ghar me bor hota hoon isliye chala jaata hu’’.

Feb 2018 me jab papa Bhopal me admit hue to age 8 din mein hi tha akela unki dekhbhaal ke liye waha papa mujhe kahin jaane hi na den pakad-pakad kar apne pass baitha len. Waha bhi mein ne 4 dino to shoes hi nahi utare aur na nahaya qki papa kahin jane hi nahi de rahe the wo kahate yahi raho mere pass iska nateeja ye hua ki mere pairo me itni sujan aa gayi thi ki shoes mere pairo me hi atak gaye the 5 din nahaya nahi to ek ajeeb si badbu aane lagi mujh se. Jab thik hokar aaye to socha ab papa apna dhayn rakhenge par nahi woto aur jyda careless ho gaye unki doctors ne bhut precation lene ko kaha tha but papa sunte hi nahi. Sweets unki kamjori ban chuki thi doctor ne totally sugar band karne ko kaha par papa kahan sunne wale the woto bahar dukano me jakar meetha kahate aur unko ghumne ka bhi bhut shauk tha bas inhi baato ke karan lockdown me bhi kabhi bhi bahar nikal jate agar koi police wala kuch kahata to use purna prescription dikha dete so wo bhi unko jaane se nahi rokta. Aaisa karte karte unhone immunity bhut hi kamjor kar lit hi jiska result ye aaya ki jab unko covid ka infection hua to infection control kam aur bada jyada tha jisse unko us raat heart attack aa gaya aur wo hum sab se bina mile hi chal base. Khass khass logo ko jab ye baat pata chali to sabne yahi kaha ki abhi 4 din pahale scooty chalate dikhe hai viswas hi nahi hota ye sab ho gaya haan sahi kaha mujhe bhi wishwaas nahi ho raha abhi tak par kya karu sach to sach hai. Abhi bhi jab unke phone no par koi call karta hai to mein hi receive karta hu aur jab unki death ka batata hu so kahate ki ‘’ tumhari aawaz Rathore Saab jaisi hai’’ ye bhi apne aap me ek compliment hai par un jaisa banna to namumkin hi hai….

Blog bhut lamba ho gaya hai par kya karu papa ki personality hi aaisi thi ki lagta hai is blog ka part2 bhut jaldi aa jyega. Unke bhut saare kisse hai  jo ki bhut sunne aur sunane layak hai. abhi itni baad karke apni baato ko aaram deta hu aur ye blog apne papa ko dedicate karta hoo.

 

BHAAVBHEENI SHARDDHANJALI…

 

 

Share this post
Repost0
To be informed of the latest articles, subscribe:
Comment on this post