Overblog
Edit post Follow this blog Administration + Create my blog
anramyblog.over-blog.com

Wah ! Kya Scene Hai

Aaj bhut dino baad blog likh raha hu kahaniya to bhut si rahati hai dimaag me par likhne me thoda aalas aa jata hai isliye nahi likhta. Bhut se log emails me puchte hai ki post kyu nahi aati ab kya jawaab du samjh nahi aata. Khair actor Irfaan khan saab ko is duniya se gaye  hue aaj pura ek mahina ho gaya. Jab wo ilaj kara kar wapas aaye the to aaisa laga tha ab sab thik hai ab unki behtreen adakari fir dekhne milegi par khuda ko kuch aur hi manjoor tha hum insaan sab uski marzi ke aage bebas hai. Aaj bhi ek channel par unki movie aa rahi thi uska naam tha LunchBox. Dekhna jaise hi shuru ki power cut ho gaya.

Irfaan khan ne bhut saari movies me kaam kiya hai maine allmost unki sabhi films dekhi hai. Isi baat par ek purani baat yaad aa gayi socha share kar du to baat thodi purani hai. Ek film aai thi unki Mr Shahrukh Khan ke sath film ka naam tha "Billu". Ye film jab hamare shahar mein lagi to mein ne aur ek mere dost ne sunday ko dekhne ka plan banaya. Hum log sahi samaye par pahuch gaye. Ticket li aur baith gaye apni seat par.

Aapko yaad hoga is movie me Irfaan sir aur Shahrukh sir dost bataye hai jo bichad jate hai aur jab SRK apni movie ki shooting usi gaon me karne aaye hai jana lrfaan sir baalon ki cutting karte hai. Irfaan sir jab sab log ko ye batate hai ki SRK unka dost hai to sab unse milne ke liye lrfaan sir ko tarah-tarah ki cheez ka lalach dete hai ki ek din to wo milwa hi denge par aaisa hota nahi hai, gaon walo ka gussa futne lagta hai. Ab ye to hui kahani isme aage scene ye hota hai ki sab gaon wale milkar billu ki pitai karne nikal padte hai. Ye scene chal hi raha tha ki itne me ek dost ka phone aaya mere pass, maine call receive kiya. To background mein sab billu ko kos rahe hai marne wale hai aaisi zor-zor ki awaz chal rahi hai. Dost ko meri awaz ke sath-sath wo background ki bhi awaz ja rahi hai. Dost ne kaha "kal konsa practical hai" ? Mein ne usse kaha "mein thodi der me call karunga" aur mein ne call cut kar diya. Kyunki me film ka maza kharab nahi karna chahta tha. Us dost ko laga me kahin musibat me hu aur aas-pass ke log mughe peetne wale hai isliye maine baat nahi ki. Uska dobara phone aaya ab bhi usme wahi scene chal raha tha jana zor- zor se ladne ki awaz aa rahi thi. Maine call receive kiya kyunki aawaz thi se nahi aa rahi thi to mne call phir cut kar diya.
Ab us dost ka shak yakeen me badal gaya ki mein kahi pitne wala hu kisi badi problem mein fass gaya hu. Jab interval hua to me washroom gaya waha phir usi dost ka call aaya ki "kya hua tum kaha ho"? aur "kuch problem me hoto batao mere sath 4 log aur hai aur hum ne hockey, bat sab taiyaar rakhe hai tum kaha ho batao hum log 10min me pahuch rahe hai". "Chodenge saalo ko jisne dost ko pareshaan kiya hai". Maine soch ye kya panga ho gaya maine use kaha ki aaisa kuch nahi hai bhai mein to film dekhne aaya hu. Use vishwaas hi na ho use laga ki mein jhoot bol raha hu. Phir maine use acche se bataya ki aaisa kuch nahi hai aur ab interval bhi pura ho gaya hai abhi mein ja raha hoon tum tension mat lo. Tab jaakar wo mana.
Film ke saath saath meri life me bhi seen chal raha tha. Film puri hone ke baad bahar nikal to wo dost bhi next show dekhne aaya tha wahin usse mulakaat ho gayi thi tab wo shant hua.

Ab aap hi dekhen ki kya film thi aur kya acting thi Irfaan saab ki. Aaise great actor ka dunia se chale jana bada dhakka hai unke fans ke liye abhi bhut saare  roles unka intzaar kar rahe the. Hum kar bhi kya sakte hai unki bimari hi aaisi thi jisme 10 percent chance hote hai bachne ke wo apni aakhri saans tak lade.

Ye blog Irfaan sir ko samarpit hai.
Bhavbhini shraddhanjali.

🙏🏻

Anshul Rathore 😊

Share this post
Repost0
To be informed of the latest articles, subscribe:
Comment on this post