Overblog
Edit post Follow this blog Administration + Create my blog
anramyblog.over-blog.com

DhokheBaaz Angutha

DhokheBaaz Angutha

Aaj bhut dino baad Blog likh raha hoon kam se kam 2 mahine baad, itne din Blog kyun nahi aaya ya maine ne Blog likhna chod diya aaise bhut saare massages mere email account mein aaye hai aur pass dur ke dosto ne Facebook, Whatsapp mein massage karke pucha hai ki kaha ho bhaiya Blog kyun nahi post kar rahe ho. Un sabko bhut bhut dhanywaad ki aap mere blog ko padte hai aur intzaar karte hai.

          Is baar ka blog dhokhebazi par hai, ab idhar udhar ki baat kam karta hoon aur mudde pe aata hoon. Is duniya mein kisi bhi cheez ka koi bharosa nahi hai koi bhi kabhi bhi dhoka de sakta hai even hum insaan bhi to kabhi na kabhi kisi na kisi ko dhokha dete hai. Agar main kahu ki mughe kisi insaan ne nahi mere thumb means ‘’Anguthe’’ ne dhokha diya hai to aap kya is baat se agree karngey ? shayad nahi ya 10% log agree kar bhi jaye kuch kah nahi sakte. Feburary ki baat hai ek exam hona tha jiska form main ne January mein hi fill kar diya tha. Us samaye lag raha tha ki exam April mein hoga but uski date 26 feburary aa gayi. Haan ye wahi din hai jab humne Pakistan pe suba 3 baje Air Strike ki thi. Bas usi din suba suba exam center jane ke liye ready hua aur 7 baje exam center pahuch bhi gaya. Sab kuch sahi chal raha tha apna roll no bhi mil gaya aur jis room mein exam tha waha bhi pahuch gaya. Yaha tak to sab thik tha.

          Aajkal computer ka zamana hai so koi bhi competition exam bina computer ke possible hi nahi wo zamane gaye jab OMR sheet aati thi phir question ki booklet, phir answer sheet par gole kale karo ye sab guzare zamane ki baat ho gayi hai. Aajkal insaan ki identity Aadhar card ho gayi hai agar aapke pass aadhar card hai tabhi aapki pahachaan hai nahi to nahi. Toh jab CBT (Computer Based Exam) hota hai to form bharte samaye photo ke sath thumb impression liya jata hai. Phir isko match exam center mein bhi kiya jata hai so jab exam room mein pahucha to waha ek madam thi jo sabke thumb impression le rahi thi. mera bhi impression liya aur wo computer ne 100% accept hua, yaha tak to sab sahi tha. Kuch hi der mein exam start hua aur hum sab log question solve karne lage. Solve karte karte kab 2 hour pure ho gaye pata hi nahi chala. Kuch hi time baad paper submit ho gaya aur shor hona shuru ho gaya. Waha par jo sir-madam the unhone kaha ki jane se pahale ek baar phir se thumb impression liya jayega. Isliye abhi koi nahi jayega.

          Sir-madam ne sabko ek ke baad ek aane ko kaha, mera computer no 12 tha to mughse pahale 11 log gaye thumb impression ke liye. Ab aati hai meri baari mein jab gaya to madam ne kaha ki is device par thumb rakko maine rakkha to 2% impression aaya, mam ne kaha ruko acche se ek baar phir rakhko mein ne rakkha to ‘not match’ likha aa gaya. Phir mam ne kaha ki 3rd time acche se rakhna main ne ‘ok’ kaha aur thumb rakhka ab to phir se ‘not match’ likha aa gaya. Mam ne kaha ki abhi aa jakar apni seat par baith jao main last mein phir impression lungi. Main apni seat par chala gaya waha baju maine baithe bande ne kaha ‘’kya hua’’ maine sab bataya wo bola koi nahi aaisa ho jata hai kabhi- kabhi software nahi leta last mein phir se try hoga to ho jayega. Un bande ne mera angutha dekha aur kaha ki isme to finger print bilkul clear dikhai de rahe hai phir bhi tumhara impression nahi aaya ajeeb baat hai. Maine uski baat se agree kiya. Mere mind mein ek baat aai thi January mein jab maine aadhar update karwaya tha tab toh koi problem nahi hui, phir pata nahi ab aaisa kyun hua. Us exam room mein 4 logo ke thumb impression ni aa rahe the unme se maine bhi tha. Last mein hum bache hue 4 logo mein se bari bari bulaya gaya. Jo teen log the unka impression aa gaya tha aur ab bacha main. Kai baar try karne ke baad bhi software read hi nahi kar raha tha. Bas phir kya chalu ho gaya waha ke teachers ka experiment. Bari-bari se teacher aate mugh se kahate angutha dhela chodo hum lagate hai apne hanth se ye process 5-6 teachers ne kiya but kuch nahi hua. Mera name speaker mein announce hua ki inka thumb impression nahi aa raha hai. Mughe dusri lab le gaye waha bhi 2-3 baar try kiya but kuch nahi hua. Dusri lab main jate waqt ek college friend ne piche se pahachaan liya aur aawaz lagai but mera dimag to thumb impression mein laga hua tha maine ne dhyan nahi diya phir usne pass aakar zor se mere sir pe tapli markar bola ‘’Kyun be pahachaan nahi raha hai ?’’ maine kaha ‘’Abe mere thumb impression nahi aa raha hai’’. wo bola ‘’Saale tu farzi hai ye computer bhi maan gaya hai’’. Ha Ha Ha.

          Phir sir ne kaha ki suno idhar dhyan do tumhara paper submit nahi hoga agar thumb impression nahi aaya tha. Phir wo dost chala gaya. Baki sab bhi almost ghar ja chukhe the. Bas main aur ek aur banda tha hum dono ke impression nahi aa rahe the. Waha ek sir ne kaha last baar try karte hai nahi to from bhar dena. Phir try kiya nahi aaya, waha piche khade ek sir ne kaha sir ‘’Boroplus laga ke dekthe hai’’ usse aa jata hai. Dusre sir ne kaha ‘’ab mein Boroplus kaha se laun yaar’’. Wo sir bole mere pass hai bas phir kya unhone 5 rs wali Boroplus nikali aur mere anguthe pe laga di par use bhi kuch nahi hua. Finally sab ne haar man li aur sir ne ek form diya use maine fill kiya apna thumb impression us paper par kiya aur submit karke aa gaya. Ghar aane ke baad mera angutha dard dene laga aur usme jalan shuru ho gayi, ho bhi kyun na itne saare hantho mein jo gaya tha sabne apni-apni taraf se har tarah ka experiment jo kar rakkha tha.

          Bas ek baat samajh nahi aa rahi thi ki aadhar update mein koi problem nahi hui, na form bharte aur na hi exam room mein enter hone ke baad. So 2 hour mein aaisa kya hua ki anguthe ne dhokha de diya sochne wali baat hai na. Maine aadhar card ki training bhi ki hai waha jab unlogo ke fingerprint nahi aate jo tambacco ragad ke khate hai ya jo majduri karte hai. Us samaye mein unlogo ko ye kah kar jane ko kahata  tha ki ‘’aapka aadhar nahi ban sakta kyunki fingerprint ni aa rahe hai’’, pata nahi unko kaisa feel hota hoga. Khair na to maine aajtak tambacco khai na hi majduri ki phir bhi thumb ka kuch samajh nahi aaya. Isliye to kaha raha hoon ‘’Angutha Dhokhebaaz’’.

         

Share this post
Repost0
To be informed of the latest articles, subscribe:
Comment on this post