Overblog
Edit post Follow this blog Administration + Create my blog
anramyblog.over-blog.com

Marker Pen

Is baar ka Blog bhut interesting hone wala hai. life mein hum sab ne bhut saari shaitaniya aur pranks kiye hai, bada maza aata hai na udham-masti karne mein par kabhi-kabhi na hamari badmashiyaan aur pranks hum pe ya kisi aur par bhaari pad jate hai. Bas wahi se zindagi naya sabak sikha deti hai, so kuch log toh is sabak se zindagi bhar ki sheek shikh jate hai aur kuch log inse kuch nahi sikhte ulta apni badmashiyoon ko jaari rakhte hai. Jo mein baat aage kahane wala hoon wo real incident hai jo mere sath hua tha. Short mein kahu toh who ek prank tha jo kiya kisi ne tha aur bill mere naam pe fata tha.

          Ab sidhe mudde pe aata hu, baat thodi purani hai ya yun kahu ki 10 saal hone wale hai is baat ko. Year 2007 mein Bpharma mein admission ho gaya tha. Dhere-dhere semesters complete hote ja rahe the aur result bhi accha aata raha. Bpharma course RGPV Bhopal se affiliated hota hai so final exam ke pahale exam forms fill karwaye jate the, usme exam fee bhi deni hoti thi. Us samaye RGPV ka online web portel to tha but fees aur form offline bharne ka riwaaz tha. To hamare yaha se 2 sir sabke form fill karwate aur fees sab se lekar Bhopal jate aur submit kar aate, aaisa 5th sem tak chalta raha. Phir RGPV ka dimag chala ki bhaiya ab se online form aur fee bhare jangye. Toh ek naya rule aaya ki sabhi students ka ek campus card banega jisme student ki sari information hogi aur fees bharne ka bhi option hoga jisse student khud hi form-fees bhar sakega. Overall RGPV ko student friendly environment banana tha. Toh ye facility active bhi kar di gayi. Ab baat aati hai ki fee ke liye har student ka bank account hona chahiye jisse wo easily transactions kar sake, toh ye jimma Union Bank of India ko diya gaya.

          Union bank ne bhi sabhi stundents ke liye zero balance account open karne ka plan bana diya. So overall sabhi students ke to bank accounts the nahi agar kisi ke the bhi toh kisi aur bank mein the aur RGPV ne Union Bank se tie-up kar rakha tha. Hum students ko kuch samjh hi nahi aa raha tha ki kaise kya hoga aur hum logo ko ye pata tha ki 500 rs se kam mein koi bank account opne nahi karta hai. Toh hamare principal sir ne hum sab students se kaha ki darne ki koi jarurt nahi hai. 2 din baad bank ke employ apni college mein aayengye aur aap logo se account open ka from fill karwa zero balance pe aapka account open karwa denge. Chalo ek problem to solve ho gayi thi. yaha ye sab itna detail mein isliye bata raha hu tabhi prank samajh mein aayega nahi to aaisa lagega jaise kuch aadhura hai.

          Woh din bhi aa gaya jab bank se 2 employ college mein aaye aur class mein aakar account open karne ki formality puri karwane laga. Isme ek khass baat bhi thi jo bhut excited thi ki Bank account ka form bharne ke turant baad hi ATM card milne wale the. Normally aaisa hota nahi tha but us samaye banks develop ho chauke tha. ATM Card milne ke baad usme piche sign karne hota hai wo bhi ‘markers pen’ se ye toh hum sab jante hai bas yahi se shuru hota hai ‘Prank’. Hua yun ki jab bank employ ne ATM cards dena shuru kiye to sath mein hi black marker pen bhi de rahe the taki sab piche sign kar len. Bas yahi se kisi dost ne card mein sign kiya aur marker pen leke washroom chala gaya. Ab usne washroom ke washbasin jo ki white color ka tha usme kuch-kuch walgar words likh diye aur thodi der baad class mein wapas aa gaya. Bank employ bhi thodi der baad college se chale gaye. Kuch der baad lunch time hua, hum sab washroom gaye waha dekha to washbasin mein kuch likha tha. Ab hamari class mein kuch toh itne sidhe the ki unko us likhe words ka matlab bhi nahi pata tha aur unme se mein bhi tha jo meaning ni janta tha un words ki. Dhere-dhere baat sabhi students mein fail gayi aur kano-kaan hote-hote faculties ke pass tak pahuch gayi. Lunch ke baad jab hum sab practical ke liye ready ho rahe the toh achanak class mein sir aa gaye, unhone pucha ki ye kiski shararat hai but kisi ne kuch ni kaha. Hamara first batch tha to sirf hamari hi class thi college mein to zahir si baat hai hamari class ke kisi ne kiya hoga aaisa. Jab sab se 2-3 baar puchane ke baad bhi koi samne nahi aaya to sir ne kaha ki aaj practical nahi hoga sab class mein rahengye. Aur sir chale gaye.

          Kuch der baad dusre sir aaye aur unhone kaha abhi bhi waqt hai bata do nahi to sabko punishment milegai but phir bhi koi saamne nahi aaya. Ab sir bhadak chuke the unhone sab se ek-ek page nikalne ko kaha aur bole ki jo mein kahata ja raha hu use likho aur niche sign karo phir page submit karo, sab ne aaisa hi kiya. Ab wo saare page lekar sir office mein chale gaye. Sir handwriting milane ka soch rahe the but kisi ki handwriting hi nahi mili. Sir ne dusri tarkeeb nikali class mein aakar kaha ki unhe sabke bags ki talashi leni hai sab bahar nikal jao class ke. Hum sab bahar chale aaye, kuch der baad 5 marker pens sir ke hanth mein the jinme se ek pen mera bhi tha. Yaha ek baat clear kar doon ki Pharmacy practical mein formulations prepare karni hoti hai aur baad mein labeling karne mein marker ka use karte the kyunki labelpaper rough nahi hota that toh uspar marker acche se chalta tha. Ab jab 5 marker pens bags se mile toh Sir ne wapas sabko class mein bulaya aur kaha ye pens jin-jin ke bhi hai wo yaha ruk jaye aur hosiyaari mat karna kyuki main ne bag se pen nikalte waqt naam likh liye the jinke bag se ye pen nikale hai. Is sab padtaal mein pura din nikal gaya tha so sir ne kaha baki ke log jakar bus mein baith jaye. Jin 5 logo ke pen sir ke hath mein the unme mera bhi pen tha.

          Ab sir ne hum paanch logo ko ek-ek karke office mein bulana shuru kiya. Ab yaha se shuru hote hai twists. Sabse pahale ek dost gaya aur 2 second mein wapas aagaya kynki uska marker pen temporary tha, wo bach gaya. Ab dusre ka number aaya wo gaya to use 10 min ho gaye wo jab wapas aaya to laga ki pakda gaya but aaisa nahi tha, uski hand writing match nahi hui. Phir thisra under gaya woto jaisa gaya waisa wapas aagaya kynki uska to pen point marker tha. Ab ek bacha mein aur mera dost. Hum dono aapas mein baat kar rahe the ki tune-kiya tune-kiya but hum dono ko yakeen hi nahi ho raha tha ki hum dono aaisi situation mein honge. Usne kaha wo jayega pahale,  maine kaha ‘’ja bhai’’. Wo under gaya aur 5 min baad wapas aa gaya kyunki uske pen ki ink shukh chuki thi bhut purana aur bekaar condition mein tha. Wo bhi chala gaya bus ki aur, aur phir shuru hui gossip ki bhaiya anshul hi hai jo fass gaya hai but sab yahi kah rahe the ki mein nahi kar skata hu aaisa even mam bhi yahi kah rahi thi ki bhagwaan bhi aa kar kah de toh wo nahi manne wali. Idhar mera haal bura tha kyunki mera marker pen black bhi tha aur permanent bhi. Jab mein under gaya to sari faculty shocked thi ki tumne aaisa kiya hai wishwaas nahi hota hai. Meri handwriting match nahi hui but mere black marker pen jarur match ho gaya tha. Ek sir to gusse mein aa gaye ki abhi lagao iske father ko phone. But baki ki faculty ne kaha ki ye aaisa nahi kar skata hai ho-na-ho kisi ne prank kiya hai aur jab ye baat management tak aai toh dar gaya hai. Maine apni safai di aur sir se kaha ki maine nahi kiya aaisa. Sir ko kuch samajh mein nahi aa raha tha to unhone kaha ki tum jao ghar hum dekhte hai kya karna hai aage. Chuki mein last mein thoda time leke bus mein aaya tha to sabko yahi lag raha tha ki maine hi kiya hai aur mein pakda gaya hu. Mein jab bus mein aaya to meri shakal se saaf pata chal raha tha ki mera naam aa gaya hai is prank mein but mam aur baki logo ne kaha aaisa ho hi nahi sakta ki anshul aaisa kare.

     Pure rastey isi topic pe baat chalti rahi aur jab mera stop aaya to mam ne kaha ki bilkul tension lene ki jarurat nahi hai hum sab tumhare sath hai aur mein kal sir se baat karungi. Ghar puhuchkar mein sab baat batayi to papa ko gussa gaya unhone sidhe college ke director ko phone kiya unhone mughse bhi baat ki aur kaha ki humsab jante hai tum aaisa nahi kar sakte ho aur tension lene ki jarurt nahi hai. Unhone ye bhi kaha ki jis marker se ye sab likha gaya hai woto un bank employ ka tha, class ke kisi bhi ladke ka nahi hai. ab mughe pura equation samajh mein aa gaya. Us din Friday tha aur mere dosto ne mughe msg kar-kar ke kaha ki aaj ka din ‘Black Friday’ kahkar baat kiya karnagye. Wo din tha phir college ka last din bhi aa gaya jisne ye prank kiya us dost ne kah ki yaar ye sab usne kiya tha funny way mein but baat management tak chali gayi thi isliye usne us time kuch nahi kaha. Us dost ne sorry bhi kaha aur meri hasi toh ruk hi nahi rahi thi.

Last mein bas yahi kahana chata hu ki college life mein aaise incidents to hote hi rahate hai but baat waha biagad jati hai jab hum kuch mazak ke liye karte hai aur woh baat ya mazak kisi aur par bhari pad jata hai. Apne undar ke bacche ko mare nahi prank karte rahe but agar baat serious ho jaye to use samhaalna na bhoole ho sakta hai ek prank ki wajah se koi hurt ho gaya ho. Yaha toh main tha but kuch log depression aur tension mein galat kadam bhi utha lete hai.

Share this post
Repost0
To be informed of the latest articles, subscribe:
Comment on this post