Overblog
Edit post Follow this blog Administration + Create my blog
anramyblog.over-blog.com

Comparison

Bhut dino baat aaj blog likh raha hoon sach kahu to kuch chal raha hai mind mein. Aas paas jo bhi environment hai usme ek cheez jo maine mahsos ki hai use hi aaj apne shabdo mein likh raha hoon. Ek word jo hai to chota sa but uske meaning bhut bada hai aur wo word hai ‘’Tulna’’ jise English mein ‘Comparison’ kahate hai. aajkal hum sab isi word mein fass chuke hai. Ya yun kahu ki sabki aadat ho gayi hai comparison karne ki. Bade se bada ya chote se chota insaan bhi aaj comparsion karne laga hai. Human nature hota hai ki humne hamesha dusre ki cheez jyda pasand aati hai, jo hamare pass hai use na to hum dekhte hai na use importance dete hai bas hamara dimag dusre ke pass kya aur kitna hai isi mein laga raha hai. aaisa nahi hai ki comparison karna galat hai par ye hum par depend karta hai ki hum kis tarah ka comparison kar rahe hai. mein yaha par apni baat bhi karunga, mein bhi comparison karta hoon. Comparison karte karte kab wo ghamand mein badal jata hai pata hi nahi chalta.

          Hum khud mein khush nahi rahate hai bas tulna karte rahate hai use fir jalan shuru hoti hai gussa aata hai aur zara ki baat par se ristey kharab kar baith jate hai. Hume dusre ka phone, uski car, aur uska status bhut pasand aata hai yaha tak ki insaan ka mind aaisa hota hai ki use kisi aur ke phone mein laga wallpaper bhut pasand aa jata hai bas wo wahi se tulna karne lag jata hai ki aaisa mere pass kyun nahi hai, phir who tulna karta hai uske aur apne phone ki. Agar use woh wallpaper kahi se mil jata hai aur wo apne phone mein laga leta hai toh bhi use satisfaction nahi hota kyun kyunki uske mind mein aata hai ki bhaiya uske pass jo phone hai wo bhut mahanga hai bas yahi se tulna shuru ho jati hai. Aaisa nahi hai ki jo life mein kuch ban nahi pate bas wahi comparison karte hai, comparison wo bhi karte hai jinke pass sab kuch hota hai. aaise log bhut attitude wale hote hai jo dusro ko kam aur khud ko bhut successful mante hai.

          Isi baat par ek kahani yaad aa rahi hai wo share kar raha hoon. Ek baar ki baat hai ek jungle tha jaha har tarah ke ped paudhe aur har tarah ke phal-phool the. Waha sabhi tarah ke janwar rahate the aur sab khush the. Arey yaha par kahani kahatam nahi hui. Ab aaisa to ho nahi sakta ki acchi jagah par koi bura na ho, agar bura nahi hoga to phir accha highlight kaise hoga. To us jungle mein jaha har tarah ke plants the to gulaab ka bhi ek plant tha, usme bade sundar-sundar phool lagte the. Gulaab ka plant bhut khush rahata tha sath hi use tulna karne ki bhi badi beemari thi. Wo sabse puchta ki mein kesa hoon sab use bolte ki saare jungle ki raunak tum se hi to hai aur wo bhut khush hota. Wo gulaab jab bhi apni tarref suntan uska ghamand bad jata aur wo alag alag tarah se tulna karta. Gulaab kahata ki mere pass khushboo hai, itne sare rang hai, aur to aur mughe har koi apne sath le jane ka jatan karta hai. wo dusre flowers se bhi apna comparison karta aur unko nicha dikhata. Sab us gulaab ki tareef toh karte par peth piche use ghamandi kahate. Gulaab apne aap ko best kahata aur ghamand mein rahata. Gulaab ne to yaha tak kah diya ki baki saare phoolon ka toh ek mausam hota hai par wo sadabahaar hai.

          Ek din gulaab ki nazar uske niche pade hue ek pattar par padi. Usne us pattar se kaha ‘’bhai tu bhi ajeeb hai, tera colour kaisa hai tu na to kabhi hil pata hai na hi tera aakar badta ghata hai’’. Jo bhi log jungle aate hai wo mughe dekh kar khush hote hai aur tughe dekh kar thokar maar jate hai. yaha sabse accha mein hi hoon. Pattar ne jo jawab diya wo bhut hi simple tha aur jawaab tha ki ‘’haan log mughe bhale hi pasand na kare but sabka waqt aata hai ek din mera bhi waqt aayga’’. Gulaab ne kaha aaisa kabhi nahi hoga kyunki tum mere niche pade ho log mughe hi dekhte hai tumhe dekhne wala yaha kon hai. bas agale din ek aadmi us jungle mein aaya aur wo usi jagah aaya jaha ye dono the. Wo aadami kuch waha par dhund raha tha. Usne pahale to gulaab ko dekha aur use tod kar apne pass rakh liya. Phir uski nazar us pattar par padi, wo waha aaise pattar ki talash mein aaya jise tarasha ja sake. Usne us pattar ko dekha aur use bhi apne pass rakh liya. Use aadami ne us pattar ko tarash kar ek murti banai aur use ek mandir mein virajit kar diya. Agale din jab us pattar ki puja shuru hui to usi gulaab ke flower ko us murti ke pairo mein daal diya. Bas ab us pattar ko apni safai mein kuch nahi kahana pada jo kuch bhi hua jo gulaab aur pattar ke samne hi hua.

Yaha is kahani ke matlab bas yahi hai ki jis tarah gulaab hamesha khud ki tulna karta raha aur khud ko best samajhne laga tha uska ghamand bhi us waqt tut gaya jab kisi aur ka waqt aaya. Yaha agar kabhi pattar bhi apne aap ko best samajhne lage to ye kahana galat nahi hoga ki ‘’murti bhi pani aur waqt ki maar se khandit ho jati hai’’. Uparwale ne sabke liye ek sahi samaye banaya hai bus hume uska intzaar karna chiye na ki jo hamare pass hai wo kisi ke pass nahi hai iski tulna karni chaiye. Tulna karte-karte ek din kab wo aham ban jata hai pata hi nahi chalta. Cheezo mein tulna ho skati hai par hum insaan hi insaan se tulna karne lag jaye to cheez aur insaan mein koi fark nahi rah jayega.

Share this post
Repost0
To be informed of the latest articles, subscribe:
Comment on this post