Overblog
Edit post Follow this blog Administration + Create my blog
anramyblog.over-blog.com

Pahla Safar

Sabse pahale toh jitney bhi blog readers hai sabko thanks karna chahunga aapko blog aur mere thoughts pasand aa rahe hai. Bhut se hamare dost hai jinko blog ka besabri se intzaar rahata hai aur kahi kuch galti ho blog mein to wo bata deta hai aur samaye samaye par mughse puchtey bhi rahatey hai ki ‘Agla Blog kab aayega’ sabko bhut bhut dhanywaad. So ab mudde pe aata hoon. Hum sabko apni zindagi mein bhut si cheeze pahali baar karni padti hai aur pahali baar  karne mein dar bhi hota hai aur excitement bhi. Aur jo cheez pahali baar hoti hai wo zindagi bhar yaad rahati hai. Mughe bhi ek aaisa hi experience hua hai mere pahale ‘Rail ke safar ka’’ jo ki mere hisaab se kafi interesting raha hai use share karta hoon. Baat tab ki hai jab mein chota tha aur Railgadi ke bare mein sabse sunta tha ki ek gaadi jo lohe ki patri par chalti hai bhut tezz, usme sab facilities hoti hai. TC aata hai wo ticket mangta hai agar ticket na hoto train se utaar deta hai. Train mein toilet hota hai aur ye har station mein rukte hue chalti hai. ye sab baatein mummy-papa-didi sab batate the. Halaki main pahale bhi train mein ghoomta raha hoon but itna chota tha ki kuch yaad nahi raha. So jab thoda bada hua to in sab baato pe interest aaya ki train mein ye sab hota hai kitna maza aata hoga na.

          Toh ek baar meri puri family ka plan bana ki garmiyon ki chutti mein nani ke yaha chalte hai. mera nanihaal Sadar Bazar Saugor mein hai. Plan ye tha ki is baar bus se na jaakar train se chalte hai, jaldi pachuch jangye aur main train mein bhi baith lunga. Mein is trip ke liye bhut-bhut excited tha aur kyun nahi hota, Train mein baithne ka mauka jo mil raha tha. So plan ke hisaab se hum Jabalpur railway station se Saugor aane wale the. Thik 3 baje ki train thi ab train ka naam kya tha yaad nahi hai. hum sab railway station 1 ghante pahale pahuch chuke the. Bhut garmi thi aur aas pass train ke engine ka shoor. Papa mummy aur didiyon ke liye ye sab dekha hua nazara tha. But mere liye sab ek dum naya tha. Mein bilkul bore nahi ho raha tha ulta mughe itni garmi mein maza aa raha tha. Uska ulta family mein baki logo ko sath ho raha tha mummy aur sabhi didi logo ke sar mein dard hona shuru ho gaya tha. Itne mein announcement hua ki train 1 ghante deri se chal rhai hai. So mummy ne kaha ki tumhe ‘khana kahana hai kya’ ?  ‘’maine kaha itni bheed mein kahana kaise kahunga’’ ? Mummy ne kaha ki jaise sab kha rahe hai waise hi. Maine khana khana shuru kiya to dekha ki sab mughe hi dekh rahe hai ajeeb lag raha tha. But railway station mein to aaisa hi hota hai kisi ko kisi se koi matlab nahi hota hai.

          Papa ne ticket le li aur mughe dikhai ki aaisi hoti hai ticket isme kitne person hai aur kitne male-female hai sab likha hota hai. Papa ne ticket apne wallet mein rakh li. Dhere dhere train aane ka samaye kareeb aa chala tha, aur ek dum se announcement hua ki kuch hi der mein train aane wali hai. Main itna khush hua ki kya batau. Train platform par aa gayi. Hum sab ready the chadne ko, mughe laga ki jaisa bus mein hota hai ki pahale yatri nikal jangye fir naye yatri chadengye. But aaisa nahi hua papa ne mummy ko kaha ki baccho ko taiyaar rakhna mein jaldi se chadkar rumaal rakhke seat rok lunga. Tab ek nayi baat pata chali ki ticket lene ke baad bhi rumaal se jagah rokni padti hai. Bheed bhut thi aur jis dibbe mein chadna tha usme under jane ka moka nahi mil raha tha dhakka-mukki dono tarf se ho rhai thi jaise taise papa under gaye aur seat roki, fir papa wapas aaye aur humlogo se kahane lage ki tum jakar baitho main sab saman leke aata hu. Jaise taise hum sab seat par pahuch gaye, aur papa bhi sab saman lekar aa gaye. Maine socha chalo ab koi tension nahi hai ab maza aayega. Lekin baato baato mein jab papa ne apni pocket mein hath dala to dang raha gaye, papa ne zor se kaha ‘’Arey mera wallet kaha gaya’’? hum sab dar gaye mummy ne ‘’kaha acche se check karo shayad paint ki dusri jeb mein hoga’’ papa ne dekha to wallet tha hi nahi. Pir papa ko yaad aaya ki train mein chadte samaye dhakka mukki mein lagta hai kisi ne jeb kaat li hai. hamre samne wali seat mein ek didi thi jo apne papa ke sath Delhi ja rahi thi. Unhone jhat se pucha ki ‘’uncle kya ticket bhi ussi mein tha’’ papa ne kaha ‘’haan ticket bhi usi mein tha’’.

          Ab ek naya tension dimag mein ki kya kare papa ne station mein utar ke dekha ki maybe wallet gir gaya ho, but nahi mila. Ab papa ki tension is baat ki agar mein akela hota to chal jata but sath mein family hai, ass pass ke log kahane lage ki arey darne ki koi baat nahi hai TC nahi aata hai. lekin ek baat hamesha yaad rahe ki jab ticket na hoto to TC jarur aata hai. Papa ne jaldi se decide kiya ki mein dusra ticket lekar aata hu. Papa niyam kayede wale rahe hai kabhi bhi bina ticket safar nahi kiya tha. Train ko chalne mein 5 min se bhi kam samaye bache hua tha. Mere dimag maine ajeeb ajeeb kahayal aana shuru ho gaye. Samne jo didi aur uncle baithe the unhone kaha aap aaram se jao aur ticket le aao, woto paise bhi dene lage the ki aap jab wapas aaogey tab dekh lege. Un uncle ne kaha ‘‘in case agar train chal padi to hum chain kheech dengeye’’. Ye naya word tha ‘’Chain kheech dengye’’ maine mummy se turant pucha ki isse kya hota hai to un didi ne kaha train ruk jati hai 5 min ke liye. But train nikalne se pahale papa ticket lekar aa gaye the.

          Ab baatein shuru hui ki wallet mein kitne paise the, to papa ne kaha ki 600rs hongye. Kyunki use time saare paise wallet mein nahi rakhe jate the, kuch chor jeb mein to kuch saman ke kapdo ke bich mein rakhe jate the. Us samaye ATM card bhi nahi chalte the ya chalte bhi the to bade shaharo mein. Samne wali didi aur uncle se baat shuru hui. Papa ne kaha ki mera ye train ka pahala safar hai toh wo didi bhut khush hui unhone kaha ‘’Phir toh tumhe window seat par baithna chahiye aur mughe apne pass bulakar window ke pass baitha liya. Wo mughe train ke bare mein choti se choti aur badi se badi baat bata rahi thi. Aur mughe dekh dekh kar bhut khush ho rahi thi jaise ki main unka chota bhai hoon. Jab kisi station mein train rukti wo mughse puchti kya kuch khaogye aur main mummy ko dekh kar na kah deta. Un didi ne kaha ki mummy ko dkhne ki jarurat nahi hai ‘main hoon na’. Fir ek station mein jab train ruki to unhone mere aur didi logon ke liye bhajiye liye mummy ne bhi chai le li sabke liye. Papa ne kaha ki jab hum wapas ghar lautengye to ye apni pahali rail yatra par niband likhega. Baato baato mein pata chala ki wo didi dusre din Delhi pachungyi. Kyunki us time itni train nahi hoti thi aur superfast train bhi kam thi joki late ho-ho kar hi chala karti thi.

          Bas kuch hi der mein hum Saugor pachune wale the to papa ne saman nikal kar ready kar liya aur mugse kaha ki jaldi-jaldi utrna train jyada der nahi rukegi. Wo didi hum logo se badi thi to humlogo ne unka naam nahi pucha, un didi ne bataya ki wo job karti hai aur jald hi unki shaddi bhi hone wali hai. bas aur fir hamara station aa gaya aur hum log utar gaye. Us time mobile phone to chalte nahi the jo unka number le lete. Aur address puchne ka yaad hi nahi raha. Station se nani ke ghar jane mein meri neend lag gayi thi. Finally hum nani ke yaha puch gaye.

          Last mein yahi kahana chaunga ki ye safar bhut rochak aur film ki kahani se kam nahi tha, sabse acchi baat ye lagi ki hamari samne wali seat par jo uncle aur didi the wo bhut acche the aaisa lag raha tha ki wo bhi family ka hissa hai. Ab wo didi is waqt kaha hai ye toh nahi pata but jaha kahi bhi hongi apne acchepan se sabka dil jeet rahi hogi. Jaisa un didi ka behavior tha agar aaisa sab behave karne lag jaye to isse acchi aur kya baat hogi.

  

Share this post
Repost0
To be informed of the latest articles, subscribe:
Comment on this post